मंसिर १, रत्ननगर । विगतका वर्षझैं यस वर्ष पनि राे्ट्याक्ट क्लव अफ रत्ननगरले ड्रिम क्रिकेट नेपाल प्रोजेक्ट आयोजना गरेको छ । क्लबले ड्रिम क्रिकेट नेपाल प्रोजेक्ट अन्तर्गत विभिन्न विद्यालयका शारिरीक रुपमा अशक्त विद्यार्थीहरुका लागि क्रिकेट खेल आयोजना गरेको थियो ।
सो अवसरमा क्लबले नेपाल माध्यमिक विद्यालय टाँडीलाई १ लाख ७० हजार बराबरको क्रिकेट सामग्री हस्तान्तरण गरेको छ । रोटरी क्लब अफ अरेन्ज डेब्रेक अष्ट्रेलिया , हाइक हिमालय एडभेन्चर, ब्रेडमैन फाउन्डेसन लगायतका संस्थाहरुको सहयोगमा भएको कार्यक्रममा ५० जना विद्यार्थी को सहभागिता रहेको थियो ।
क्लबका अध्यक्ष निकेश खनालको अध्यक्ष्यतामा सम्पन्न भएको कार्यक्रममा अष्ट्रेलियाका रोटरियन डिस्ट्रिक्ट ९७०० का पूर्व गभर्नर,ड्रिम क्रिकेट अष्ट्रेलिया काउन्सिलका सदस्य लगायतको सहभागिता रहेको थियो । यस कार्यक्रमबाट बिद्यार्थीहरूको मनोवल अझै बृद्धि हुने अपेक्षा रहेको रोटरियन प्रकाश अर्यालले बताए ।
