चितवन । चितवन राष्ट्रिय निकुञ्जको मुख्यालय कसरा नजिकै एक पोथी गैँडा मृत भेटिएको छ । निकुञ्जको पश्चिमी क्षेत्रमा पर्ने संयुक्त राप्ती दुन सामुदायिक वनमा शनिवार एक गैडा मृत अवस्थामा भेटिएको हो । सो सामुदायिक वनको किङ्ग फिसर घोलमा डुवेको अवस्थामा मृत गैँडा भेटिएको चितवन राष्ट्रिय निकुञ्जका प्रमुख संरक्षण अधिकृत अणनाथ बरालले जानकारी दिए ।
यसरी मृत भेटिएको गैँडा झण्डै ७ वर्षको पोथी गैँडा हो । निकुञ्जले सो गैडा जुधेर मरेको अनुमान गरेको छ । गैंडाको शरिरमा दोस्रो गैँडाले हानेका चोट भेटिएको थियो ।
गैँडाको खाग खुर भने सुरक्षित भेटिएको निकुञ्जका प्रमुख संरक्षण अधिकृत बरालले बताए । मृत भेटिएको गैडाको निकुञ्जका प्राविधिकहरुले शनिवार नै पोष्टमार्टम गरेका छन् ।
स्रोतहरू खुलाइएका बाहेक ऐनापाटी डट कम द्वारा प्रकाशित सम्पूर्ण सामग्रीहरू ऐना मिडिया हाउस प्रा. लि. का सम्पत्ति हुन् । यसमा प्रकाशित कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध छ ।